Angel Welcome Sa ABS-CBN – Juday
July 14, 2007 by cd
Tinutoo ni Judy Ann Santos ang sinabi sa presscon nila ni Jolina Magdangal for Ouija na magdu-double effort sila to promote the movie, na showing na sa July 25, at wala silang pipiliing show.
Bago ang presscon last Thursday, nag-taping muna sila ng Nuts Entertainment at lalabas din sa Walang Tulugan ni German Moreno.
Sa isyu ng pagpu-promote nila ni Jolina sa ABS-CBN, ayon kay Judy Ann, walang tumawag to clear things out.
Naghihintay lang sila at dahil walang tumawag, hindi na sila nag-effort. May balitang kakausapin sila ni Ryan Agoncillo ni Gabby Lopez, tungkol saan ang meeting?
“Naka-schedule ang meeting na ’yon bago pa lumabas ang isyung hindi kami makakapag-promote at bago pa ang presscon namin ni Jolina. Walang masama sa sinabi ko, nagtatanong lang ako. Irirespeto ko anuman ang sagot nila sa tanong ko, i-explain lang nang maayos.”
Hiningan din ng comment si Judy Ann sa nababalitang paglipat ni Angel Locsin sa Channel 2.
“Welcome siya sa ABS. Kung lilipat siya, wala akong makitang masama kung tapos na ang contract niya. Baka gusto niyang maka-experience magtrabaho sa new home studio at ibang kasama, basta you don’t burn bridges.”
* * *
Magdidirek ng pelikula sa GMA Films si Chito Roño at siya ang director ng movie na pagsasamahan nina Richard Gutierrez at Dingdong Dantes.
Co-producer din si Direk Chito ng wala pang title na pelikula at siya na rin ang hahawak sa creative aspect ng project.
Wala pang napipiling leading ladies para sa dalawa’t nabanggit sa amin sina Iza Calzado, Bianca King at Marian Rivera, pero hindi pa ito final. Gagawin ang movie bago umalis si Direk Chito for London para sa shooting ng movie ni Sharon Cuneta sa Star Cinema.
Malaking pelikula ito at first time magsasama sina Richard at Dingdong na prized talents ng GMA-7.
Pero, bakit kaya hindi sa Star Cinema nakipag-co-produce si Direk Chito?
Source: Journal
Comments