After Jewel Mische, Mart Escudero is the next StarStruck season 4 winner to leave GMA-7.

Ang StarStruck season 4 winner na si Mart Escudero ay nakatakdang lumipat sa TV5. Ayon sa Scoopbox ng PEP, ang manager ni Mart na si Popoy Caritativo (ang manager din ni Marian Rivera at Dennis Trillo) ay namataan kahapon sa bakuran ng TV5 habang nakikipag-usap sa mga executives ng Kapatid network.

Kasama na si Mart sa story conference ng upcoming TV5 primetime teleserye na “Ang Babaeng Hampaslupa” na ginaganap ngayon sa Max’s Roces. Ang nasabing teleserye ay pagbibidahan ni Alex Gonzaga sa kanyang pinaka-unang dramatic lead role sa telebisyon. Makakasama na rin ni Mart ang isa pang StarStruck alum na si Rainier Castillo na nauna nang naging Kapatid.

Hindi maganda ang year 2010 kay Mart dahil kumpara sa batchmate niya sa StarStruck na si Aljur Abrenica ay naging matumal ang mga projects niya sa siyete.

Dalawa lang ang maituturing na naging proyekto ni Mart sa Kapuso network last year, ang soap opera na “Gumpang Ka Sa Lusak” at isang guest role sa “Jillian: Namamasko Po.”

Mabuti na lang at nakasama si Mart sa cast ng “Shake, Rattle and Roll 12” at naging lead star siya sa indie film na “Zombadings: Patayin Sa Shokot Si Remington” kung kaya may pinagka-abalahan siya habang naghihintay ng projects sa siyete.

Mapigilan pa kaya ng Kapuso network ang paglipat ni Mart sa TV5?

(Cross-published in Echoserong Prinsipe)